Ойрад Монголчууд наадна

Ойрад Монголын “Их хөгсүү” холбооноос зохион байгуулдаг “Их хөгсүү-2” наадам энэ сарын 13,14-нд Улаанбаатар хотод болох гэж байна. Наадмын үеэр урлаг соёлын өдөрлөг болж, ойрад түмний түүх, урлаг соёл, хэл, ахуй, ёс заншил, ардын зан үйлийг олон нийтэд сурталчлах юм байна. Ойрад угсааны Ховд, Баян-Өлгий, Увс, Дархан-Уул зэрэг 10 аймаг, Улаанбаатар хот, ОХУ-ын Халимаг, Тува, БНХАУ болон АНУ, Франц Улсад амьдардаг 13 ястны төлөөлөл тус наадамд оролцохоор болсон байна. Хоёр өдөр үргэлжлэх “Их хөгсүү” наадмын үеэр ойрад түмний хувцасны их баяр, 13 ястны гэр хотхон, түүх, соёл шинжлэлийн олон улсын бага хурал болно. Мөн ойрад угсааны 500 гаруй ардын авьяастны уран бүтээлийн тоглолт Буянт- Ухаа спорт цогцолборт болох ажээ.