“Уруулын будаг” хамтлагийн Дээгийг эрэн сурвалжилж эхэлсэн үү?

1990-оны сүүл үед монголын рок попын ертөнцөд хуруу дарам цөөхөн охидын хамтлаг байсан. Тэдгээр хамтлагуудын нэг бол “Уруулын будаг”.  Харин  тус хамтлагийн гишүүд сүүлийн хэдэн жил уран бүтээлээ хийхээ больсон бөгөөд  өөр өөрсдийн амьдралаа хөөцгөөсөн билээ.

Тэгвэл “Уруулын будаг” хамтлагийн гишүүн Ц.Дэлгэрмааг эрэн сурвалжилж эхэлсэн гэх мэдээлэл хэвлэл мэдээллээр цацагдах болж. Тэрээр  Солонгос руу сурахаар яваад ор сураггүй болсон гэнэ.

Тодруулбал, ЦЕГ-ын цахим мэдээллийн хуудаст эрэн сурвалжилж байгаа иргэдийн мэдээлэлд Дээгийгийн зураг болон мэдээлэл нийтлэгдсэн байна.Албан бус эх сурвалжийн мэдээллэснээр түүнийг “Зоос” банкнаас их хэмжээний мөнгө залилсан гэжээ.