Хүннүгийн үеийн 20 гаруй цогцолбор олджээ

Нийслэлийн Сонгинохайрхан дүүргийн нутаг дэвсгэр олны нэрлэж заншсанаар Баянхошууны Зүүнсалаа орчмын газраас Хүннүгийн үеийн 20 гаруй булш бүхий оршуулгын цогцолбор олдсон байна.

Уг цогцолборуудыг түүх, соёл судлалын профессорын багийнхан илрүүлсэн аж. Түүнчлэн одоогоор энэхүү олдворыг илрүүлсэн багийнхан малтлагынхаа эрхийг авахаар ажиллаж байгаа юм байна.

Харин зөвшөөрдөө авсны дараагаар археологчид оршуулгыг малтаж, газар дор байгаа өвийг бүртгэж, тухайн нийгмийн зан үйл соёл, аж байдлыг судлахаар болжээ.

Судалгааны бүх ажил дууссаны дараа энэхүү газрыг төрийн хамгаалалт авах эсэхийг шийдэх юм байна. Үүнээс өмнө нийслэлийн хэмжээнд ийм хэмжээний дурсгалын цогцолбор олдож байсан тохиолдол байдаггүй юм байна.