ДОХ-ЫН 141 ДЭХ ДОХИОЛДОЛ ОРОН НУТГААС ИЛЭРЛЭЭ

ХӨСҮТ-ийн ДОХ/БЗДХ-ын тандалт судалгааны албанд өнгөрсөн долоо хоногт 1288 хүн хандаж үйлчлүүлснээс 914 буюу 70.9 хувь нь урьдчилан сэргийлэх болон сайн дураараа хандсан  байна.

Тэднээс  БЗДХ авсан 54 хүн илэрсэн бөгөөд  орон нутгаас онош баталгаажуулахаар ирүүлсэн үйлчлүүлэгчийн сорьцонд өнгөрсөн сарын 27-ны өдөр ХДХВ-ын халдвар илэрч онош нь батлагдсан байна.
ДОХ-ын 141 дэх тохиолдлоор бүртгэгдсэн хүн нь  40-44 настай, эрэгтэй бөгөөд биеийн байдал нь хэвийн байгаа бөгөөд ХӨСҮТ-д тархвар судлалын ажил үргэлжлэн хийгдэж байгаа аж.