Ё.Отгонбаяр гишүүн эхнэртэйгээ уулзах хүсэлт ирүүлээгүй байна гэв

Нийслэлийн Прокурорын газраас УИХ-ын гишүүн Ё.Отгонбаярын эхнэр О.Эрдэнэсолонгын талаар мэдээлэл хийлээ.

Эрүүгийн цагдаагийн газраас БСШУ-ны сайд асан, УИХ-ын гишүүн Ё.Отгонбаярын эхнэр О.Эрдэнэсолонгыг их хэмжээний мөнгө угаасан байж болзошгүй гэж үзсэн учраас эрүүгийн хэрэг үүсгэн шалгах хүсэлтийг УМБГ-т ирүүлжээ.

О.Эрдэнэсолонго “Голомт”, “Төрийн банк”, “Улаанбаатар хотын банк” “Худалдаа хөгжлийн банк”-нд эзэмшдэг 21 дансаараа дамжуулан их хэмжээний мөнгөн гүйлгээ хийжээ. Гэхдээ одоохондоо мөнгөн дүнгийн тухайд тодорхой мэдээлэл өгөхгүй” ажээ.

Түүнийг энэ сарын 5-наас саатуулан шалгаж байгаа бөгөөд “Ё.Отгонбаяр гишүүн эхнэртэйгээ уулзах хүсэлт одоогоор ирүүлээгүй байна” гэж Нийслэлийн прокурорын орлогч, Хууль цаазын итгэмжит зөвлөх Ц.Батболд энэ үеэр мэдээллээ.

Эх сурвалж: Шуурхай.мн