Монголдоо тэргүүлэх хөлбөмбөгийн талбайтай болно
Төв аймгийн 90 жилийн ой энэ онд тохионо.
Түүхт энэ ойг угтаж бүтээн байгуулалтын олон ажил хийж байна. Тухайлбал, аймгийн төвд Соёл амралтын хүрээлэнг барьж байгуулж байна.
Уг хүрээлэнд хүүхдийн парк тоглоом, сагсан бөмбөг, хөл бөмбөг, теннис, волейболын талбайг цогцоор нь шийдэж өгчээ. Манай улсад
Олон улсын түвшинд нийцсэн стандартын хэмжээтэй хөлбөмбөгийн талбай тун ховор. Тэгвэл энэ соёл амралтын хүрээлэнд баригдаж байгаа хөлбөмбөгийн талбай нь Монголд тэргүүлэгч болохоор стандартын дагуу баригдаж байгаа юм.
Уг хөлбөмбөгийн талбай ашиглалтад орсноор Олон улсын чанартай уралдаан тэмцээнийг зохион байгуулах боломж нээгдэнэ. Өнөөдрийн байдлаар бүтээн байгуулалтын ажил 80 гаруй хувьтай байна.
Уг талбайг байгуулж буй “Төв АЗЗА” компани энэ сарын 30-нд ашиглалтад өгнө гэж төлөвлөжээ.
Г.Тэмүүжин
Эх сурвалж:Нийгмийн толь
URL:
