Огноо: 2013/5/10 10:03:22

А.Сүхбат : Хөдөлмөрийн баатар Б.Бат-Эрдэнийн эсрэг ажиллах нь бүү хэл дэмжихгүй алгуурлах жудаг надад байхгүй

Монгол улсын Даян аварга, гавьяат тамирчин А.Сүхбат Ерөнхийлөгчийн АН-аас нэр дэвшигч Ц.Элбэгдоржийн менежерээр ажиллаж магадгүй тухай өчигдөр мэдээлсэн билээ. Гэхдээ энэ нь өрсөлдөгч талын зарим хүрээнд яригдсан болохоос А.Сүхбат аварга ийм саналыг хүлээж аваагүй болох тухай ойрын эх сурвалж өгүүллээ.
Тэр бүү хэл түүний удирдалцдаг “Аваргуудын зөвлөл” хөдөлмөрийн баатар, дархан аварга Б.Бат-Эрдэнийг дэмжин, ажиллахаар болсон байна. Энэ тухай А.Сүхбат аварга : “Б.Бат-Эрдэнийн эсрэг ажиллах нь бүү хэл дэмжихгүй алгуурлах жудаг байхгүй “ хэмээн энэ тухай тайлбарлажээ.
Мөн олимп, дэлхий, азийн аварга, медальтнууд, улсын алдар цолтой бараг бүх бөхчүүдийн өргөн “фронт” ч МАН-аас нэр дэвшигчийг дэмжин, мэдээлэл хийхээр төлөвлөж буй гэнэ.
Өнөөдөр болох МАХН-ын бага хурал ч Б.Бат-Эрдэнийг ч дэмжин ажиллах шийд гаргаж магадгүй гэх агаад Монголын утга зохиолын салбарын алдартнууд ч түүнийг дэмжихээ илэрхийлээд байна.