Хүйтний эрч бага зэрэг суларна

Маргааш баруун зүгийн нутгаар, нөгөөдөр нутгийн зүүн хагаст, 11-нд нутгийн хойд хэсгээр бага зэргийн цас орж, цасан шуурга шуурна.

Энэ сарын 11-нд салхи зарим газраар секундэд 12-14 метр хүрч ширүүснэ. Хугацааны дунд үеэс хүйтний эрч бага зэрэг суларна. Увс нуурын болон Дархадын хотгор, Идэр, Тэс, Буянт, Ерөө голын сав газраар шөнөдөө 37-42, өдөртөө 27-32 хэм, Хараа, Орхон-Сэлэнгэ, Туул, Тэрэлж, Хэрлэн, Онон, Улз, Халх голын сав газраар шөнөдөө 28-33, өдөртөө 20-25 хэм, говийн нутгийн өмнөд хэсгээр шөнөдөө 19-24, өдөртөө 9-14 хэм, бусад нутгаар шөнөдөө 25-30, өдөртөө 17-22 хэмийн хүйтэн байна.

niigmiin toli