Зуучлалаар гэрлэх гэж байгаа бол…

Хэрвээ та зуучлалаар дамжин гадаадын иргэнтэй гэрлэхээр шийдсэн бол..

• Гэрлэлтийн гэрээтэйгээ танилцаарай. Ихэнх охид, эмэгтэйчүүд гэрээгээ судлаагүй шууд хүлээн зөвшөөрч гарын үсэг зурснаас өөрийгөө эрсдэлтэй байдалд оруулдаг.

• Нөхөр болох хүнтэйгээ уулзаж, танилцсаны дараа гэрлэх эсэхээ шийдээрэй. Цөөн удаагийн уулзалтаар тухайн хүнийг таних, мэдэх боломжгүй гэдгийг санах хэрэгтэй.

• Гэрээнд өөрийнхөө эрхийг хамгаалах заалтуудыг заавал тусгуулаарай. Учир нь аливаа гэрээ нь гэрээлэгч талуудынхаа эрх ашгийг хамгаалахад чиглэгдэж байдаг.

• Зуучлагч байгууллага ямар үүрэг хүлээж байгаа, таныг эрсдэлтэй нөхцөлд орсон тохиолдолд хэрхэн эрхийг чинь хамгаалах талаар тусгуулах шаардлагатай.

• Зуучлалын гэрээнд зөвхөн танд зориулагдсан ямар нэгэн төлбөр, торгуулийн асуудал тусгагдсан байвал та үүнийг хүлээн зөвшөөрч болохгүй. Гэрээнд гэрээлэгч талуудын эрх, үүрэг хариуцлага адил түвшинд тусгагдсан байх ёстой.

  ХХГХ-ийн шуурхай баримт мэдээ

   

  • 1,2 сая хүн жил бүр гадаадад эсвэл улс дотроо худалдагдаж байна.
  • АНУ-ын Төрийн Департментийн мэдээлснээр жил бүр 600 000- 800000 насанд хүрэгчид болон хүүхдүүдийг худалдаж байгаагийн ихэнх хувийг бэлгийн мөлжлөгийн зорилгоор худалддаг байна.
  • ХХГХ-нь дэлхий дээрх зэвсэг, хар тамхины наймааны дараа орохуйц хамгийн унац ихтэй хууль бус бизнесийн нэг юм.
  • Хэдийгээр бодит тоог гаргахад хүндрэлтэй боловч жилд 7-12 тэрбум ам.долларын ашгийг энэ гэмт хэргээс олдог.
  • ОУХБ-ын тооцоолсноор хохирогчид тухайн улсад очсоныхоо дараа 32 тэр бум ам.долларын ашгийг олж өгдөг байна.
  • Монгол улсад 2002 оноос хойш 2 хэрэг шүүхээр шийдвэрлэгдээд байна.