Оюуны өмч зөрчсөн 20-оод сайтуудыг хааж эхэллээ

Оюуны өмчийн газраас Монгол улсын болон олон улсын дүрс, дуу авиа бүхий хөгжим урлагийн болон тайз дэлгэцийн кино урлагийн бүтээлүүдийг зохиогч, эрх эзэмшигчийн зөвшөөрөлгүйгээр байршуулан нийтэд түгээж байгаа доорх вебсайтууд нь “Зохиогчийн эрх болон түүнд хамаарах эрхийн тухай хууль”-ийн 12 дугаар зүйл, Монгол улс нэгдэн орсон олон улсын гэрээ, конвенцуудыг зөрчсөн хууль бус үйлдэл гаргаж байгааг таслан зогсоох тухай оюуны өмчийн хяналтын улсын байцаагчийн дүгнэлтийг тус хороонд ирүүлсэн байна.

Тус дүгнэлтийн дагуу зөрчлөө арилгах хугацаатай мэдэгдэл өгсөн ч Зөрчлийг арилгаагүй, хариу ирүүлээгүй сайтуудыг Монгол улсын хууль тогтоомжийн дагуу Оюун өмчийн газар, Шударга өрсөлдөөн хэрэглэгчийн төлөө газар, Харилцаа холбооны зохицуулах хороо хамтран холбогдох арга хэмжээг хэрэгжүүлж эхлээд байна.