Шуудайны стандартыг маргаашнаас мөрдөнө

Стандарчлал хэмжилзүйн газраас нүүрсний шуудайны стандартыг баталсан билээ. Ингэснээр нүүрсийг жижиглэнгээр худалдаалах шуудайны хэмжээг тогтоож байгаа хэрэг юм. Энэхүү стандарт мөрдөгдөж эхэлснээр шуудай нь 15, 25, 40 кг-ын хэмжээтэй байх бөгөөд савласан нүүрс хүүдийнийхээ амсраас таван см-ээс багагүй байхаар тогтоосон юм. Энэ нь нүүрсний үнийн хөөрөгдлийг багасгаж, хэрэглэгчдийн худалдан авах чадварыг нэмэгдүүлэх давуу талтай хэмээн албаны хүмүүс үзэж буй. СХЗГ, АМГ, ММСС-гийн “Цэвэр агаар” сан төсөл, НЗДТГ, Хими технологийн хүрээлэнгийн төлөөллөөс бүрдсэн ажлын хэсгийнхэн “Ахуйн хэрэглээний хатуу түлшний шуудай. Үндсэн хэмжээ MNS 6333:2012” стандартыг боловсруулан, батлуулсан бөгөөд энэхүү стандарт маргаашнаас эхлээд мөрдөгдөх юм.
Эх сурвалж: www.mminfo.mn