“Америкийн шүтээн”-ний шинэ шүүгчээр дуучин Mariah Carey тодорлоо

Америкийн алдарт дуучин Mariah Carey “Америкийн шүтээн” телевизийн шоуны дараагийн  цувралын шүүгчээр ажиллахаар болсон байна.

Тэрээр “Би Америкийн шүтээнтэй нэгдэх болсондоо үнэхээр баяртай байна. Би үүнийг тэсэн ядан хүлээж байлаа. Та бүхэнтэй ирэх нэгдүгээр сард уулзах болно” хэмээн “Fox” энтэртайментийн Ерөнхийлөгчтэй утсаар ярих үедээ мэдэгдсэн байна. Америкийн шүтээний саяхан өндөрлөсөн цувралын шүүгчид болох “Aerosmith” хамтлагийн дуучин Стивен Тайлер, алдарт дуучин Женнифер Лопез нар шоуны төгсгөлд шүүгчээс гарсан билээ. Тэднийг гарснаас хойш шоуны байнгын шүүгч Рэнди Жексон экс шүүгчдийн халааг олох эрэлд гарсан бөгөөд түүний жагсаалтын эхэнд Mariah Carey байсан юм.  Mariah Carey “Америкийн шүтээн”-тэй нэг жилийн гэрээ байгуулсан бөгөөд жилд 18 сая ам.долларын цалин авахаар болжээ. “Америкийн шүтээн”-ий шинэ цуврал ирэх нэгдүгээр сарын 12-нд эхлэх юм байна.
Duulian.mn Б.Отгон