Шинээр ундарсан булаг, шандыг хашиж байна

Богдхан уулын дархан цаазат газрын Чулуутын аманд энэ онд шинээр бүртгэгдсэн булгийг хашиж, хамгаалалтад авлаа. Үүнийг Даяанчийн булаг гэдэг ажээ. Уг булгийн усыг холбогдох мэргэжлийн байгууллагууд шинжилж байна.

2024 оны 5 дугаар сард Усны газар, Туул голын сав газрын захиргаа болон бусад мэргэжлийн байгууллагууд хамтран, Туул голын ай сав дагуух усны ундарга, булаг, шанд, горхиудыг тоолжээ. Тус тооллогоор Богдхан ууланд шинээр 4-5 булаг, шанд бүртгэгдсэн байна. Эдгээр шинэ булаг, шандыг хамгаалах ажлыг Богдхан уулын дархан цаазат газрын Хамгаалалтын захиргаа үе шаттай эхлүүлээд байна.