Хятад, Монголын хооронд зорчигч тээврийн галт тэрэг аялж эхэллээ

Наймдугаар сарын 30-ны өглөө Монгол Улсын Улаанбаатар хотоос БНХАУ-ын Эрээн хотын чиглэлд зорчиж буй 686 (22) дугаартай олон улсын зорчигч тээврийн галт тэрэг Эрээн өртөөнд орж ирлээ. Хятад, Монголын олон улсын зорчигч тээврийн галт тэрэг албан ёсоор аялж эхэллээ.

ӨМӨЗО-ы Хилийн хяналт шалгалт хорио цээрийн ерөнхий газрын Эрээн дэх салбар хүн хүчээ нэмэгдүүлэн хяналт шалгалтын бүх сувгийг нээж зорчигчдыг хуваарилах, шуурхай ажиллагааг хангах чиглэлээр ажиллаж байна.

Энэ нь ковидын хоригоос хойш тус хоёр орны хооронд олон улсын галт тэрэг анх удаа аялж байгаа тохиолдол юм. Цаашид тогтсон цагийн хуваарийн дагуу жигд ажиллагааг хангах ажээ.

Наймдугаар сарын 31-нээс эхлэн Хятад-Монголын олон улсын зорчигч тээврийн галт тэрэг Монгол Улсын Улаанбаатар хотоос долоо хоног бүрийн ням, пүрэв гаригт, БНХАУ-ын Эрээн хотоос долоо хоног бүрийн Даваа, Баасан гарагт хоёр чиглэлд хөдөлнө.