“Вагнер”-ын тэргүүнүүд ослоор АМИА АЛДЛАА

ОХУ-ын Тверь мужид хувийн зэвсэгт хүчний “Вагнер” бүлэглэлийн тэргүүн Евгений Пригожины онгоц сүйрчээ.

Уг онгоцонд “Вагнер” бүлэглэлийн тэргүүн Евгений Пригожин болон тус бүлэглэлийг үүсгэн байгуулагчдын нэг, командлагч Дмитрий Уткин нар байжээ. Онгоцны ослоор нийт 10 хүн амиа алдсанталаар олон улсын хэвлэлүүд мэдээлж байна.

Зарим эх сурвалжууд “Embraer-135” онгоцыг хөөрөөд 30 минут ч болоогүй байхад нь Агаарын довтолгооноос хамгаалах албанаас буудаж унагаасан гэж мэдээлж байгаа аж.

Е.Пригожины онгоц Москвагаас Санкт-Петербург хот руу нисэж байжээ. Онгоц газар мөргөн унаж, шатсан байна.