Goldman Sachs: Газрын тос баррель нь 100 доллар давж магадгүй
Саудын Арабт болсон бага хурлын үеэр Голдманы дэлхийн түүхий эдийн судалгааны тэргүүн Жефф Карри 2023 онд нефтийн үнэ нэг баррель нь 100 ам.доллар давж магадгүй гэсэн таамаг дэвшүүлжээ.
Тэрээр “Хятадын газрын тосны эрэлт нэмэгдэж байгааг харж байна. Үүний зэрэгцээ Оросын эсрэг хориг арга хэмжээ авснаар тус улсын нефтийн экспорт буурна. 2024 оноос ноцтой асуудал үүсэж болзошгүй” хэмээжээ.
Эдийн засаг 101 хомсдол нь үнэ өсөхөд хүргэдэг гэж бидэнд хэлдэг. Хэрэв Карригийн таамаглал зөв байгаад газрын тосны үнэ өсвөл газрын тос үйлдвэрлэгчид ашиг хүртэхэд бэлэн байна.
Лондон хотод төвтэй Shell (SHEL) нь дэлхийн 70 гаруй оронд үйл ажиллагаа явуулдаг үндэстэн дамнасан эрчим хүчний аварга компани юм. Өдөрт 3.2 баррельтэй тэнцэх газрын тос олборлодог бөгөөд 10 боловсруулах үйлдвэртэй, 2021 онд 64.2 сая тонн шингэрүүлсэн хий борлуулсан байна. Энэ нь дэлхийн хөрөнгө оруулагчдын хувьд гол зүйл юм. “Shell” нь Лондоны хөрөнгийн бирж, “Euronext Amsterdam”, Нью-Йоркийн хөрөнгийн биржид бүртгэлтэй. Өнөөдөр “Shell”-ийн нэгж хувьцаа ойролцоогоор 61 ам.доллароор арилжаалагдаж байгааг харгалзан үзвэл газрын тосны үнэ өссөнөөр 15 хувиар өсөх боломжтой гэсэн үг юм.
Chevron (CVX) бол түүхий эдийн өсөлтөөс ашиг хүртэж буй газрын тос, байгалийн хийн өөр нэг томоохон компани юм. 2022 онд тус компани 35.5 тэрбум ам.долларын орлого олсон нь 2021 оныхоос 127 хувиар өссөн байна. 2022 онд борлуулалт болон бусад үйл ажиллагааны орлого 235.7 тэрбум ам.доллар болсон нь жилийн өмнөхөөс 51 хувиар өссөн үзүүлэлт аж. Саяхан Chevron-ийн ТУЗ-өөс улирлын ногдол ашгийн хэмжээг зургаан хувиар өсгөж, нэгж хувьцаанд 1.51 ам.доллар болгохыг зөвшөөрсөн.
Exxon Mobil 430 тэрбум гаруй ам.долларын зах зээлийн үнэлгээтэй “Exxon Mobil” (XOM) нь “Shell” болон “Chevron”-оос том юм. “Exxon”-ийн хувьцаа өнгөрсөн жилийн хугацаанд 24 хувиар өссөн байна. 2022 онд “Exxon” 55.7 тэрбум ам.долларын ашиг олсон нь 2021 онд 23 тэрбум ам.доллар байсантай харьцуулахад асар их өсөлт юм.
https://www.yahoo.com/finance/news/oil-faces-serious-problem-2024-140000392.html
URL:
