Уул уурхайн компаниудыг базах С.Наранцогт таван жилийн турш зээлээ төлөөгүй байна

Төрийн өмчийн томоохон компаниудын удирдлага, менежментийн үйл ажиллагааг зохицуулахаар дэд сайд С.Наранцогтыг томилов. Эрдэнэт үйлдвэр”, “Монголросцветмет”-ээс эхлээд түүний мэдэлд 34 компани очиж байна. С.Наранцогт захирлын хувьд IPO босгох, хөрөнгийн зах зээл дээр ажиллах, харьяандаа ажиллаж буй уул уурхайн компаниудын менежмент, зохион байгуулалт, хүний нөөц, худалдан авалтын бодлогуудыг нэгдсэн байдлаар явуулна.

Ийнхүү төрийн албанд мэргэшсэн, эдийн засгийн мэдлэгтэй хэмээн бусдаас ялгарч томоохон уул уурхайн компаниудын ажлыг урагшуулах үүрэг хүлээсэн С.Наранцогт нь хэр хэмжээний бэл бэнчинтэй вэ?

“Эрдэнэс Монгол” группийн шинэхэн захирал С.Наранцогтын хувьд  2017 оны хөрөнгө орлогын мэдүүлэгтээ буюу газрын дарга байхдаа жилийн 37 сая төгрөгийн орлого олж байснаа мэдүүлжээ. Харин үүнээс дөрвөн жилийн дараа буюу 2021 оны хөрөнгө орлогын мэдүүлэгтээ 73 сая төгрөгийн орлого олсноо тайлагнажээ. Төрийн нарийн бичгийн дарга байхдаа түүний жилийн орлого 100 сая давж. Харин Дэд сайдын суудалд сууснаас хойш жилийн орлого бага багаар буурсан үзүүлэлттэй байна. Уул уурхайн компаниудын “тэргүүн” болсныхоо дараа хөрөнгө орлого нь хэрхэн нэмэгдэх нь анхаарал татаж байна.

С.Наранцогтынх 650 сая төгрөгийн үнэлгээтэй нэг орон сууц нэг зуслангийн байшинтай, 40 сая төгрөгийн үнэт эдлэлтэй, 50 сая төгрөгийн сая төгрөгийн хадгаламж, 141 сая төгрөгийн авлагатай. Түүний хөрөнгө орлогын мэдүүлгээс анхаарал татаж байгаа нэг зүйл нь 250 сая төгрөгийн зээл. Анх хөрөнгө орлогын мэдүүлэг өгч эхэлсэн 2017 онд буюу газрын дарга байхдаа 250 сая төгрөгийн зээлтэй байв. Гэтэл 2021 оны хөрөнгө орлогын мэдүүлэгтэй энэ зээлэнд ямар нэг төлөлт хийгдээгүй байгааг харж болно.

П.ГОО

http://www.shuud.mn/a/545237