Роналду: Дахин нэг дээд амжилт, би үүгээрээ бахархаж байна

Португалийн шигшээ багийн довтлогч Криштиану Роналду таван ДАШТ дараалан гоол оруулсан анхны хөлбөмбөгчин болсон тухай мэдээлэл гарсан. Тэрбээр энэ талаарх сэтгэгдлээ хуваалцжээ.

“Оролцож байгаа тав дахь ДАШТ-дээ гоол оруулсан нь маш сайхан мөч байлаа. Бид чухал ялалт байгуулсан, тэмцээнийг сайн эхэллээ. Ийм тэмцээнүүдэд эхний тоглолтод ялах нь чухал гэдгийг Португали мэддэг. Тийм ээ, дахин нэг дээд амжилт тогтоосон. Би таван ДАШТ дараалан гоол оруулсан цорын ганц хүн. Үүгээрээ бахархаж байна. Манай баг шилдэг хөлбөмбөгийг харуулж чадсанд баяртай байна. Хүнд байсан ч бид хүртэх ёстой ялалтаа байгуулсан ” хэмээн Роналду өгүүлснийг A Bola дамжуулжээ.

Португалийн шигшээ багийн довтлогч Криштиану Роналду Катарт болж буй  дэлхийн аварга шалгаруулах тэмцээний үеэр Ганын багтай тоглохдоо гоол хийснээр таван ДАШТ дараалан гоол хийж буй анхны хөлбөмбөгчнөөр тодорсон юм.