ҮСХ: Орон сууцны үнэ өнгөрсөн сард 2.9 хувиар өссөн
Үндэсний статистикийн хорооноос өнгөрсөн сарын байдлаарх орон сууцны үнийг мэдээллээ. Орон сууцны үнэ наймдугаар сард өмнөх сараас 2.9 хувиар өссөн байна. Тодруулбал, 2022 оны наймдугаар сард шинэ орон сууцны нэг метр квадрат талбайн дундаж үнэ 3,320,000 төгрөг байгаа ба Сүхбаатар дүүрэгт хамгийн үнэтэй буюу 3.600.000 төгрөг байна. Харин хуучин орон сууцны нэг метр квадрат талбайн дундаж үнэ 3.130.000 сая төгрөг байгаа ба Сүхбаатар дүүрэг мөн хамгийн үнэтэй байна. Тус дүүрэгт хуучин орон сууцны нэг метр квадрат талбайн дундаж ханш 3.740.000 сая төгрөг болохыг танилцууллаа.
Жилээр нь харвал манай улсад нийт орон сууцны үнэ 13.6 хувь өсжээ. Жилийн хугацаанд хуучин орон сууцны үнэ 25.9 хувь, шинэ орон сууцных 13.4 хувийн өссөнийг доорх инфографикт харуулж байна.
URL:
