ОХУ: Путин, Зеленский нарын уулзалтын болзлыг зөөлрүүлэв

-CNN Türk: Орос Путин, Зеленский нарын нүүр тулан ярилцах нөхцөлийг зөөлрүүлсэн-

ОХУ-ын Ерөнхийлөгч Владимир Путин Украины Ерөнхийлөгч Владимир Зеленскийтэй хийх уулзалтын талаарх байр сууриа өөрчилж, нүүр тулан хэлэлцээ хийх нөхцөлийг зөөлрүүлэв. Энэ тухай Туркийн засгийн газрын эх сурвалжаас иш татан CNN Türk мэдээлэв.

Өмнө нь Москвагийн урьдчилсан нөхцөл бол энхийн хэлэлцээний замын зургийг бэлэн болгосон байх явдал байсан бол одоо Кремль энэ газрын зургийг төрийн удирдагчдын нүүр тулан уулзах уулзалтаар хэлэлцэхийг зөвшөөрсөн байна.

“Удирдагчид замын зураглалыг хэлэлцэж, тодорхойлж болно. Төлөөлөгчид энэ замын зураглалыг хэрэгжүүлэхээр ажиллаж эхлэх боломжтой” гэж эх сурвалжууд хэлэв.

Туркийн Ерөнхийлөгч Режеп Тайип Эрдоган Украинд айлчлах үеэрээ Путин, Зеленский хоёрын нүүр туулсан яриа хэлэлцээг зохион байгуулахад туслалцаа үзүүлэх тухай өмнө нь мэдэгдэж байсан. Зеленский Путинд хоёр талын дээд хэмжээний уулзалт хийхийг дөрвөн удаа санал болгосон гэж тэмдэглэжээ.

Эх сурвалж: Лента.ру