SXCOAL: БНХАУ-д коксжих нүүрсний үнэ доод түвшинд хүрэх төлөвтэй

Ойрын хугацаанд БНХАУ-д коксжих нүүрсний үнэ доод түвшинд хүрэх төлөвтэй байгааг “SXCoal” мэдээллээ. Энэ нь борлуулалт сэргэж, нөөц буурах хандлагатай байгаатай холбоотой аж.

Зургаадугаар сарын хоёрны өдрийн байдлаар судалгаанд хамрагдсан 88 уурхайн түүхий коксжих нүүрсний нөөц долоо хоногийн дунджаас 4.4 хувиар буурсан гэж “SXCoal” тооцоолсон байна. Үүнтэй харьцуулахад үйлдвэрлэл нь ердөө 0.2 хувиар буурчээ. Түүнчлэн судалгаанд хамрагдсан ӨМӨЗО-ы уурхайнуудын коксжих нүүрсний нөөц 18.6 хувиар буурсан байна.

Үүнээс гадна COVID-19-ийн халдварын эрсдэлийн улмаас Монголын нүүрсний экспорт буурах эрсдэлтэй байгааг “SXCoal” онцолж байна. Тухайлбал: Ганцмод боомтод сүүлийн гурван өдөр дараалан COVID-19-ийн халдварын тохиолдол батлагджээ. Үүний улмаас боомтоор өдөрт нэвтрэх нүүрс тээврийн автомашины тоо 430 хүртэл буурч магадгүй байгааг ӨМӨЗО-ы эх сурвалж мэдээлсэн байна.

Түүнчлэн БНХАУ-ын Эрээн хотод COVID-19-ийн халдварын нэг “Эерэг” тохиолдол бүртгэгдсэн учир дахин хатуу хяналт тавьж эхлэх эрсдэлтэйг эх сурвалж онцоллоо.

М.Аминаа

Bloomberg Tv