Г.ДАМДИННЯМ: Дарханы замын эвдрэлээс үүдэн иргэд, албан байгууллагад учирч байгаа хохирлыг хэн хариуцах вэ Л.Халтар сайд аа

УИХ-ын чуулганы өнөөдрийн хуралдааны үеэр Г.Дамдинням “Нэгдүгээрт олон улсын авто тээвэрт үүсэх тээврийн хэрэгслийн багийн ажлын хэлэлцээрийг дэмжиж байна. ОХУ-ын гэрээ хэлэлцээрт орох нь зүй ёсны асуудал. Хамгийн гол нь дотооддоо чанар стандартыг хангаж чадаж байгаа эсэх бол дараагийн асуудал болоод байгаа юм. Мэдээж энэ бол Дарханы замтай холбоотой. Байнгын хорооны хуралдаанд Дарханы замын талаар гишүүд Дарханы замын эвдрэл гэмтэлтэй холбоотой, иргэд, албан байгууллагад учирч байгаа хохирлыг хэн хариуцах юм бэ. Гэмт хэрэгтэй тэмцэх үүрэг бол Засгийн газар, тэр дундаа Зам тээврийн Хөгжлийн сайдын үүрэг. Гэтэл энэ шалгуулах ажлыг сайд та яагаад хийхгүй, өмгөөлж, хамгаалаад тойрч, зугатаагаад байна вэ. Үүнд хариу өгмөөр байна” гэв.