Солонгосын алдарт “BIGBANG хамтлаг зургаан жилийн дараа эргэн ирэлтээ хийлээ

“BIGBANG” хамтлаг дөрвөн хүний бүрэлдэхүүнтэйгээр “Still Life” хэмээх шинэ дуугаа өчигдөр орой цацлаа. Тус дуу цацагдсан даруйдаа iTunes-н дэлхий дахины чартыг тэргүүлж эхэллээ.

“BIGBANG” хамтлагийн шинэ дуу “MelOn 24Hits” чартад цацагдсан эхний цагтаа л 26 дугаар байранд орж дэбют хийлээ. Ингэснээр хамгийн өндөр байранд жагссан Кпоп хамтлаг болж чадлаа. Өмнө нь тус байр суурийг BTS хамтлаг ‘Dynamite’ дуугаараа 75-д орж эзэгнэж байсан билээ.

“Youtube” платформ дээр сүүлийн 11 цагийн хугацаанд 9 сая үзэлттэй болжээ.

Фэнүүд нь тэдний гаргасан дуунд сэтгэл хангалуун байгаа хэдий ч клипны зарим хэсгүүдэд санаа зовнин өөр өөрсдийн саналыг хэлсээр байна.

Жишээлбэл тус клипэнд гишүүд тус тусын газраа дуулсаар байгаад дуусдаг тул фэнүүд нь “Өнгөрсөн бүхнээ сүүлийн удаа дурсан салах ёс хийж буй мэт. Нэг ч үзэгдэл дээр хамтдаа гараагүй нь бүгд тус тусын амьдралаа хөөх гэж буйг илэрхийлэх мэт” хэмээн санал сэтгэгдлээ илэрхийлсээр байна.
“BIGBANG” хамтлаг эргэн ирэлтээ хийснээр T.O.P-ын гэрээ дуусгавар болж түүнийг албан ёсны сайтын харъяалагдах уран бүтээлчдээс хасжээ. Гэвч тэд үлдсэн 3 гишүүний зургийг эвлүүлэх бус 5 зураас бүхий утга учиртай логог оронд нь тавьжээ.