Дэлхий нийтийг хамарсан “Ковид-19” цар тахлын үед хүн амын хүнсний хангамжийг тогтвортой хадгалах, улмаар улс орны хэмжээнд 3 хүртэл сарын хугацаатай аюулгүйн нөөц бүрдүүлэх зорилгоор гурилын үйлдвэрүүдэд хүнсний буудайн импортын зөвшөөрөл олгосон байна. Ингэснээр 2021 онд нийтдээ 164.0 мянган тонн хүнсний улаанбуудай импортоор авчээ.
Харин 2021 оны намар дотоодын хэрэгцээгээ хангах хэмжээний улаанбуудай хураан авсан тул 2021-2022 онд импортоор хүнсний улаанбуудай авахгүй байхаар шийдвэрлээд байна гэж ХХААХҮЯ-наас мэдээллээ.