Коронавируст халдвар (Ковид-19)-ын халдвар авсан нь шинжилгээгээр баталгаажсан, шинж тэмдэггүй, хөнгөн хэлбэрийн өвчтөнийг гэрээр эмчилж, зөвлөгөө өгөх ажлыг анхан шатны эрүүл мэндийн байгууллага буюу Өрхийн эрүүл мэндийн төвүүд хариуцан ажиллаж байгаа билээ. Гэвч иргэдийн дунд өрхийн эмнэлгээс тус багцыг дутуу өгөх, 160 мянган төгрөг хүрэхгүй багцыг өгч улсын төсөвийг шамшигдуулж байна гэсэн гомдол ирсээр байгаатай холбогдуулан ЭМЯ тодруулга гаргажээ.

ЭМЯ зүгээс тайлбарлахдаа: ЭМДЕГ-аас тухайн ӨЭМТ-өөс ирүүлсэн иргэнд үзүүлсэн тусламж, үйлчилгээний талаарх гүйцэтгэлийн нэхэмжлэлд хяналт хийсний үндсэн дээр санхүүжилтийг цаг тухай бүрд нь олгож байна.
Эрүүл мэндийн сайд, Сангийн сайдын хамтарсан 2021 оны 06 дугаар сарын 21-ний өдрийн А/387/99 дугаартай тушаалаар баталсан Өрхийн эрүүл мэндийн төвөөс нэг иргэнд үзүүлэх 160,000 төгрөгийн эмчилгээний багцад:

Эмч хоёр удаа биеэр очиж өвчтөнд үзлэг, оношилгоо /рапид тест/ хийх

Хоёр удаагийн хамгаалах хэрэгсэл

Өдөрт хоёр удаа утсаар тандалт хийх, асуумж авах

Тусгаарлалтын хугацаанд уух эмийн багц

ӨЭМТ-ийн эмчийн цалин, урамшуулал зэрэг олон төрлийн зардлууд багтаж байна.
Эх сурвалж: ЭМЯ, ЭМДЕГ