Зэсийн үнэ 3 дахь өдрөө дараалан буураад байна

БНХАУ-д зэсийн эрэлт буурах хандлагатай болж, үнэ нь гурав дахь өдрөө дараалан унаад байна.

Лондоны Металлын биржид пүрэв гарагийн арилжаагаар зэсийн фьючерс үнэ 0.9 орчим хувиар буурч, тонн нь 10,147.5 ам.доллар боллоо. Зэсийн хэрэглээгээр тэргүүлэгч БНХАУ-д эрэлт буурах хандлагатай болсон нь үүнд нөлөөлжээ. БНХАУ дахь зэсийн эрэлтийн индикатор болсон “Yangshan” боомтын импортын хураамж 2017 оноос хойших доод түвшинд хүрч буурсан байна. Сүүлийн нэг сард зэсийн үнэ бүх цаг үеийн дээд түвшинд хүрсний дараа тогтворжоод байсан юм.

Үүнээс гадна “Vale” компани Канад дахь “Sudbury” зэс, никелийн уурхайн үйл ажиллагааг түр зогсооно гэж мэдэгдээд байна. Ажилтнууд нь цалингаа нэмүүлж, “Covid-19”-ийн үед ажилласны нэмэлт урамшуулал авах шаардлага тавьж, ажил хаялт зарлаад байсан юм.

Б.Батцэцэг | @battsetsegx

Bloomberg Tv