WTI-ийн үнэ 2018 оноос хойших дээд цэгт хүрч, Brent-ийн үнэ баррель нь $70 давав

Газрын тосны үнэ 2018 оны аравдугаар сараас хойших дээд түвшинд хүрч өслөө. Эрэлт эрчимтэй сэргэж байгаа ч нийлүүлэлт бага хэвээр байгаа нь үүнд нөлөөлжээ.

WTI төрлийн газрын тосны үнэ 2.1 хувиар өссөний дараа баррель нь 68.1 ам.доллар болсон байна. Харин брент төрлийн газрын тосны үнэ 2019 оноос хойш анх удаа 70 ам.доллар давж, 70.7 ам.доллар хүрээд байгаа аж. Үүний зэрэгцээ OPEC-ийн Өргөтгөсөн бүлэг “Газрын тосны хэрэглээ өсөх төлөвтэй” гэж мэдэгдсэн нь үнэд нөлөөлсөн байна. АНУ болон Европын эдийн засаг цар тахлын хямралаас сэргэж байгаатай холбоотойгоор тус бүлэг ийм дүгнэлтэд хүрчээ.

OPEC-ийн ээлжит уулзалтын үеэр Саудын Араб болон ОХУ-ын төлөөлөгчид газрын тос, түлшний эрэлт сэргэнэ гэж үзэж буйгаа илэрхийлсэн байна. Түүнчлэн тус бүлэг долоодугаар сард нэг өдөрт олборлох газрын тосны хэмжээг 841 мянган баррелиар нэмэгдүүлэхээр шийдвэрлэжээ.

Үүнээс гадна Олон улсын эрчим хүчний агентлаг мөн эрэлт өснө гэж тооцож буйгаа илэрхийлсэн юм.

Bloomberg Tv