Хөгжлийн бэрхшээлтэй иргэдийн хөгжлийн ерөнхий газрын мэргэжилтэн М.Чулуун-Эрдэнэ мэдээлэл өгч байна.

Тэрээр Хөгжлийн бэрхшээлтэй иргэдийн хөгжлийн ерөнхий газрын дарга нарын ашиг сонирхлын зөрчлийн талаар хөндөж, ХНХЯ-ны гадаа мэдээлэл хийж буй юм.

Тэрээр “Хөгжлийн бэрхшээлтэй иргэдийн боломжийг дарга нар нь хулгайлж байна. 150 сая төгрөгөөр хуучин машин авсан. Тэргэнцэртэй хүн суугаад явах боломжтой 2015 онд үйлдвэрлэсэн Монголд 2019 онд орж ирсэн Старекс машиныг 150 сая төгрөгөөр авсан. Төсвийн мөнгийг үр ашиггүй зарсан. Зам засварын үйлчилгээ эрхэлдэг байгууллага энэ машиныг нийлүүлсэн. Мөн Соната 8 машиныг 100 сая төгрөгөөр авсан. Энэ талаар шилэн дансанд мэдээлэл нь орсон.

Халуун хэмжигчийг 500 мянган төгрөгөөр авч, төсвийн мөнгө үрж байна. Хөгжлийн бэрхшээлтэй иргэдэд зориулсан вебсайт хийнэ гэсэн нэрийдлээр 35 сая төгрөгийг зарцуулсан. Гэтэл тэр сайтыг хөгжлийн бэрхшээлтэй иргэн ашиглах боломжгүй. Мөн хуучин машиныг 150 сая төгрөгөөр авсан.

ХНХ-ын сайд энэ асуудлыг шийдэж, эдгээр албан тушаалтнуудад хариуцлага хүлээлгэнэ гэж итгэж байна. Монголоос өөр газар ийм бусармаг үйл явдал байхгүй байх. Би гурван чиглэлд хандаад хариу өгөөгүй учраас өнөөдөр мэдээлэл хийж байна” гэв.

ХНХ-ын Ажлын хэсгийн нишүүн Г.Мөнхгэрэл иргэн М.Чулуун-Эрдэнэд хариу тайлбар өгөхөөр гарч ирэв. Тэрээр,

Бид иргэний гаргасан гомдлын дагуу судалгаа хийсэн. Түүний өгсөн зарим мэдээллийн дагуу хуулийн процесс явагдаж байна. Нэг ширхэг халуун хэмжигчийг 500 мянган төгрөгөөр авсан зөрчил илэрсэн.

Соната автомашиныг худалдан авсан талаар ажлын хэсэг байгуулагдан ажиллаж байна. Иргэнд дүгнэлтийг танилцуулна гэлээ.