Колорадод буутай этгээд гал нээж, 10 хүн амиа алджээ

АНУ-ын Колорадо муж улсын Боулдерт хүнсний дэлгүүрийн ойролцоох машины зогсоолд буутай этгээд гал нээжээ. Цагдаа нар ойр хавийн хүмүүсийг уг дүүргээс холдуулж байгаа гэнэ.

Гал нээх үеэр амиа алдсан хүмүүсийн тоо нэмэгдсээр 10 болжээ. Орон нутгийн цагдаагийн газраас мэдээлснээр амиа алдсан хүмүүсийн дунд хэргийн газар анхлан очсон цагдаа байгаа гэнэ.

Сэжигтэй этгээдийг баривчлах үеэр шархадсан байна. Буутай этгээд ямар зорилгоор гал нээсэн нь тогтоогдоогүй байгаа аж.