Нийслэлд 15 салбарын байгууллага хэвийн ажиллана

Нийслэлд энэ сарын 23-ны 06.00 цагаас ирэх оны нэгдүгээр сарын 6-ны 06.00 цаг хүртэл Бүх нийтийн бэлэн байдалд шилжиж байгаатай холбогдуулан Засгийн газраас 15 салбарын үйл ажиллагааг хязгаарлахгүй байхыг Нийслэлийн Онцгой комисст чиглэл болголоо.

Үүнд,

• Эрчим хүч, дулаан, сайжруулсан шахмал түлшээр хангах үйл ажиллагаа
• Хүнсний үйлдвэрлэл, худалдаа, түгээлт, тээвэрлэлт
• Газрын тосны бүтээгдэхүүн, түлшний хангамж түгээлт, тээвэрлэлт
• Малын өвс тэжээлийн түгээлт, тээвэрлэлт
• Улсын онц чухал обьектын үйл ажиллагаа, тэдгээрийн хангамжийн тээвэр
• Нийтийн тээвэр, зөвшөөрөлтэй такси үйлчилгээ
• Хот суурингийн усан хангамж, ариутгал татуургын ашиглалтын үйл ажиллагаа
• Эрүүл мэндийн байгууллага, эм эмнэлгийн хэрэгслийн ханган нийлүүлэх ажиллагаа
• Банк
• Хэвлэл мэдээлэл, шуудангийн үйл ажиллагаа
• Тусгай чиг үүргийн байгууллага
• Хууль тогтоох байгууллага, шүүх, прокурор, өмгөөлөл, нотариат
• Төрийн захиргааны байгууллага /10-15 хувийг ажиллуулах/
• Хүүхэд хамгалалал, асрах байгууллага
• Оршуулгын үйл ажиллагаа