АНУ-д коронавирусний халдвартай хүмүүс саналаа өгөх боломжтой

АНУ-ын ерөнхийлөгчийн сонгуульд коронавирусний халдвартай болон өөрийгөө тусгаарлаж буй хүмүүс халдвар хамгааллын дэглэмийг сахин саналаа биечлэн өгөх боломжтой гэж тус улсын Өвчинд хяналт тавих, урьдчилан сэргийлэх төв мэдээллээ.

Коронавирусний халдвартай юм уу өөрийгөө тусгаарлаж буй хүмүүс бусдаас 180 сантиметрийн зай барьж, амны хаалт зүүж, саналаа өгөхийн өмнө болон дараа гараа угаах ёстой байна.

“Сонгогчид өвчтэй юм уу тусгаарлалтад байгаа эсэхээ үл харгалзан саналаа өгөх эрхтэй. Гэсэн хэдий ч нөхцөл байдлынхаа талаар сонгуулийн ажилтнуудад мэдэгдэж, өөрсдийн үзэг, амны алчуур, гар ариутгагчаа авчрах шаардлагатай” гэж Өвчинд хяналт тавих, урьдчилан сэргийлэх төв мэдээлжээ.