Дотооддоо коронавирус алдаагүй Монгол Улсын туршлагын талаар ДЭМБ-аас баримтат кино хийжээ

 Дэлхий дахинд коронавирусийн халдвар дахин эрчимжиж эхэллээ. Өчигдрийн байдлаар  дэлхий дахинд нийт 45 сая гаруй хүн өвчилж, үүнээс 33 сая хүн эдгэрсэн, харин 1.185.821 хүн нас барсан байгаа юм.

Харин Монгол Улс коронавирусийн халдварыг дотооддоо алдаагүй цор ганц улс байгаа. Батлагдсан 349 тохиолдол бүгд зөөвөрлөгдөж орж ирсэн тохиолдлууд билээ.

Тэгвэл ДЭМБ-аас КОВИД19-тэй тэмцэж байгаа манай улсын туршлагын талаар баримтат кино хийжээ. Энэ талаар ХӨСҮТ-ийн дарга Д.Нямхүү “Энэ киног өнөөдөр 15.00 цагаас дэлхий дахинд цацна. Бид хичээж, амжилтаа алдахгүйн тулд дор бүрнээ хичээх, өндөр хариуцлагатай түүхэн үе бидний өмнө ирээд байна. Хүн бүр маскаа зүүж, гарын ариун цэврээ сахих, зай барих, олноороо цугларахгүй байх нь чухал байна” гэлээ.