ИНЕГ-ын дарга Л.Бямбасүрэнд халдашгүй дархан эрхийг хэн өгөв

Хууль зөрчиж л байдаг, хувьдаа завшиж л байдаг, тэр ч бүү хэл хүний амь насанд хүрсэн архидалт зохион байгуулж л байдаг дарга нар хууль дүрэмгүй мэт ажиллаж, амьдарсаар байна. Тэдний тэргүүн магнайд Иргэний нисэхийн ерөнхий газрын дарга Л.Бямбасүрэн зүй ёсоор ордог. Түүний хууль зөрчсөн олон зүйл байгаа ч хууль, хяналтын байгууллагынхан огт арга хэмжээ авахгүй байгааг байгууллагийн ажилчид гомдоллож байна.

Түүний тухай хэвлэл мэдээллээр хангалттай бичигдсэн учраас энд дурдах нь илүүц биз дээ. Монгол Улсын стратгегийн чухал салбарыг удирдаж байгаа ч ажлын байрны архидалт хэрээс хэтэрсэн тухай “Өглөөний сонин”-д онцлон дурдсан байсан. Хэмжээ хязгааргүй архидалтаас болж, хүний амь эрсдсэн ч тас нууж өнгөрүүлсэн гээд дурдвал олон зүйл бий.

Хуулийн дээгүүр гишгиж амьдардаг Л.Бямбасүрэн дарга “Цалингийн урамшуулал” нэрээр танил тал, төрлийн гэж болох хүмүүстээ тус бүр 50 сая төгрөг олгож, “Гүрэн” сургуулийн дансанд тус байгууллагаас Л.Бямбасүрэн даргын гарын үсгээр ихээхэн хэмжээний мөнгө шилжсэн зэрэг асуудал байгааг тус байгууллагад олон жил ажилласан хүмүүс санаа зовнин өгүүлж байна. Стратегийн чухал салбарыг тэргүүлж байгаа Л.Бямбасүрэн даргын хууль бус үйлдлийг хэн хаацайлдаг юм. Түүнд халдашгүй дархан эрхийг хэн өгөв гээд асуудал байна. Шударга ёсны туг болж яваа Ерөнхий сайд У.Хүрэлсүх ийм эрх өгөв үү, салбарын сайд Л.Халтар өгөв үү, эсвэл Ерөнхийлөгч Х.Баттулга уу, УИХ-ын дарга Г.Занданшатар өгөв үү гэх зэргээр ч гайхахад хүрснээ дуулгасан юм. Тийм өндөр, хуулиас гадуур эрх мэдэл өгөөгүй бол хариуцлага тооцох цаг нь аль эрт өнгөрсөн шүү дээ.

Түмэн.мн

 http://tumen.mn/p/11341.html