ТЭЭВЭРЧИД: Онцгой байдлын нүүрс тээвэрт дахин хүний амь нас хохирвол цусаа гартал тэмцэх болно Я.Содбаатар сайдаа!!

Шадар сайд Я.Содбаатар болон, Ерөнхий сайд У.Хүрэлсүхд хандан тээвэрчдийн зөвлөлөөс мэдэгдэл гарган, шударга ёсны төлөө хүчээ нэгтгэж тэмцэнэ гэдгээ илэрхийллээ.

Дараах мэдэгдлийг энэхүү ил захидлаар Төр засаг, Шадар сайд Я.Содбаатарт хүргүүлж байна.

Австрали Хятад хоёр улс түр муудалцаж, зах зээлд манай нүүрсний үнэ өсч, худалдан авалт та таталт нэмэгдэж байгаа “СҮР” мэдээний цаана сангийн сайд алгаа үрж байгаа бол Содоо сайд сураг тасраад байна. Нүүрс тээвэрчдийн амь насныхаа төлөө тавьсан өвөлжилт болон тусгаарлалттай холбоотой саналууд хогийн саванд хаягдсан бололтой. Таг жиг болов. Богинын тээвэрт өвөлжилт хүндэрч тусгаарлалт гэх дампуу үйл ажиллагаа үргэлжилсээр архидалт гаарсаар… Бүх дампуурал авилга хээл хахууль хэвээр.

Я.Содбаатар сайд яах гэж нисдэг тэрэг, унаа машин урт цуваа дагуулан Гашуун-Сухайтад зочлоод явсан бэ гэсэн том асуултыг бид тэвэрч үлдэв!!!??

Зөв таасан хүнд шалаанз дугуйны шагнал өгсөн ч яахав…

Онцгой байдал нүүрс тээвэр зохицуулалт дээр тодорхой шийдэл гаргахгүй юм бол хий дэмий сэлгүүцэж Гашуун-Сухайтад ирсэн зардал, Оюу-толгой хүртэл ниссэн онгоцны багийн зардал бусад бензин шатахууны зардлыг Я.Содбаатар ба түүний багаас гаргуулж улсыг хохиролгүй болгохыг У.Хүрэлсүх сайдаас шаардах болоод байна.

Түүнчлэн ЗТХЯ-ны сайд дарга нар тээвэрчдийн зөвлөлтэй уулзсан. Харин гэргий нар надтай уулзах санал тавиагүй гэж тас мэлзэн худлаа ярьсан ёс зүйгүй үйлдэлдээ хариуцлага хүлээх ёстой.

Бид ингэж худлаа ярьж, хэн нэг төрийн яам сайдыг гүтгэсэн бол өдийд цагдаа дээр сууж байгаа. Шударга ёсны төлөө хүчээ нэгтгэсэн шүү МАН-ынхаан!!!

Мөн тээвэрчдийн өвөлжилтийн байдалтай холбоотой Засгийн газар, Онцгой байдлын шийдвэр удааширч эзэнгүйдсэнээс онцгой байдлын нүүрс тээвэрт дахин хүний амь нас, эрүүл мэнд хохирвол цусаа гартал тэмцэж, улс төрийн хариуцлага нэхэхээ үүгээр мэдэгдэж байна.

БАЯНЗАМ ТЭЭВЭРЧДИЙН ХОЛБОО

ТЭЭВЭРЧДИЙН ЗӨВЛӨЛ

2020.10.22