Монголбанкны үрэлгэн зарлага

Ойрын өдрүүдэд төрийн байгууллагуудын удирдлагуудыг сандаргасан мэдээлэл цахим орчинд шил даран цацагдах болов. Шилэн Цогоо буюу Б.Цогтгэрэл шилэн тодотголынхоо үндсэн ажлаа хийж Төрийн өмчит компани болон яамдаас шилэн дансны мэдээлэл хайж зарлаж эхэлсэн нь энэ юм.

Энэ удаад тэрбээр Монголбанкны дансыг шалгажээ. Түүний олсон баримтуудаас харвал Монголбанкны ерөнхийлөгч Forbes сэтгүүлд 10 сая төгрөгөөр ярилцлага нийтлүүлжээ. Тэгэхээр Rapper Gee бас 10 саяыг төлсөн болж таарав.

• Сэтгүүлчидтэй хийсэн зангиагүй уулзалтад 8,206,200 төгрөг

• Монголбанкны тэргүүний ажилтан шалгаруулах ёслолын ажиллагаанд 107 сая төгрөг, үүнээс Фантастик продакшнд 28 сая төгрөг тус тус зарцуулжээ.

Мөн Шилэн Цогоо “Монголбанкны нэг юмыг ерөөсөө ойлгохгүй байна. Хуулийн хэлтэс гэж байдаггүй юмуу Хуульч гэж байдаггүй юмуу. Хуульч гэж байдаггүй юмуу. Яагаад ингэж олон хуулийн фирм ажиллуулаад мөнгө төлөөд байдаг юм бол” гэжээ.

Ийнхүү Монголбанк Шилэн Цогоогийн шалгалтад бүдрэв. Шилэн дансны хуулийг зарим нэг газар хэрэгжүүлж байгаа ч иргэд хяналт тавьж, асуудал хөнддөггүй нь үрэлгэн хандлагын бас нэгэн шалтгаан болсон биз ээ.

Ямартай ч Шилэн Цогоог ямар нэгэн ажилд оруулалгүй, хэсэг хугацаанд энэ ажлаар нь дагнуулах санал иргэдээс гарах болжээ. Түүний дараагийн бай хэн бол?