Роналдо Европын топ-5 лигт 450 гоол оруулсан анхны хөлбөмбөгч

Италийн Сери А лигийн хоёрдугаар тойргийн хүрээнд “Ювентус” клуб “Рома”-тай учраа таарч, 2:2-оор тэнцсэн билээ. Энэ тоглолтод Роналдо хоёр гоол оруулсан.  Ингэснээр тэрбээр Европын топ-5 лигт   449, 450 дахь гоолоо оруулж, рекорд тогтоолоо.

Зөвхөн клубын түвшинд биш Европын топ-5 лигт ийм хэмжээний гоол оруулсан хөлбөмбөгч байхгүй аж. Тэрбээр “Манчестер Юнайтед”-ын бүрэлдэхүүнд Английн премьер лигт 84 гоол оруулж байсан. Харин “Реал”-д байхдаа Испанийн Ла лигт 311 гоол оруулсан. Тэгвэл “Ювентус”-т ирснээс хойш Италийн Сери А лигт 55 гоол оруулаад байна.