Ч.Лодойсамбуу: Эх орныхоо төлөө явдаг хүн гэж байхгүй

BOLOD.MN мэдээ мэдээллийн архив сайтаас бэлтгэн хүргэдэг “Тэр хэн бэ?” ярилцлагын нэвтрүүлгийн ээлжит дугаарын зочноор “Улаан бал” нэвтрүүлгийн хөтлөгч, сэтгүүлч Ч.Лодойсамбууг урьж, түүний дотоод хүнтэй ярилцлаа.

Үзэгчид түүнийг өнөөгийн улс төр, нийгэм, урлаг соёлын өнгө төрхийн үнэн мөнийг эрэлхийлдэг ”Улаан бал” нэвтрүүлгээр нь сайн танина. Түүний хэлснээр, зорилгодоо хүрэхийг эрмэлзэх арга барил, хэлбэр нь үзэгчдийн хувьд анх танил бус үйлдэл байсан учраас таагүй сэтгэгдэл, дайралт, шүүмжлэл тасралтгүй хөвөрдөг байв. Гэхдээ цаг хугацааны явцад хүмүүст хүлээн зөвшөөрөгдөнө гэдэг чамгүй их ажлын үр дүн юм.

Тэгвэл “Улаан бал” нэвтрүүлгийн улаан микрофонтой тэр хөтлөгч угтаа ямар хүн бэ гэдгийг тэр бүр мэдэх хүн ховор. Иймийн учир бид эфирээр гардаг Ч.Лодойсамбуу, эгэл амьдрал дээрх Ч.Лодойсамбуугийн тухай энд ярилцсан билээ. Та ч бас түүнийг илүү сайн танихыг хүсвэл яг одоо бидэнтэй санал бодлоо хуваалцаарай.