“Dream” зочид буудалд тусгаарлагдсан иргэд хордлогод оржээ

“Dream” зочид буудалд тусгаарлагдсан иргэд хоолны хорлогод орж ХӨСҮТ-д тусгаарлагдсан байна. Энэ талаар тусгаарлагдсан иргэдийн нэг өөрийн твиттер хуудаснаа “Наймдугаар сарын 29-ны тусгай нислэгээр ирээд “Dream” буудалд тусгаарлагдаж байгаад хоолны хордлого аваад 20-д хүн ХӨСТ-т ирээд тусгаарлалтанд ороод хэвтэж байна” хэмээн твиттер хуудаснаа бичжээ.

Албаны эх сурвалжийн мэдээллээр хордлогын шинж тэмдэгтэй 15 хүн ХӨСҮТ-д хүргэгдсэн байгаа аж.

Эдгээр иргэд нь өнгөрсөн наймдугаар сарын 29-нд Сидней-Улаанбаатар чиглэлийн тусгай үүргийн  онгоцоор эх орондоо ирсэн байна.

О.ОНОН
Оллоо.мн