Газ үнэрлэж байхад нь дэлбэрч 17-19 насны охид, хөвгүүд түлэгджээ

Нийслэлийн Баянзүрх дүүрэг. 18 дугаар хороо, 10 дугаар байрны 4 дүгээр орцонд ахуйн хэрэглээний газ дэлбэрсэн тухай мэдээллийг тус дүүргийн wагдаагийн 2 дугаар хэлтсээс 20206 08.22-ны өдрийн 16:12 цагт Онцгой байдлын албанд хүргүүлжээ.

Дуудлагын дагуу Нийслэлийн Аврах ангийн алба хаагчдыг очиход 1.2×0.8 метрийн хэмжээтэй орцны жижүүрийн өрөөнд иргэн Э /17 настай, эрэгтэй, биеийн 21 хувь түлэгдэлтэй/, З /17 настай, эмэгтэй/ биеийн 60 хувь түлэгдэлтэй, биеийн байдал хүнд, Э /19 настай, эрэгтэй/ биеийн 50 хувь түлэгдэлтэй/ нар ахуйн хэрэглээний газ үнэрлэж байхад дэлбэрсний улмаас түлэгдсэн байжээ. Улмаар тус иргэдийг ГССҮТ-д хүлээлгэн өгсөн байна.

Мөн орц руу орж байх үед дэлбэрэлтэд өртөж иргэн Э /52 настай, эрэгтэй/ 2 гар болон толгой түлэгдсэн, согтууруулах ундаа хэтрүүлж хэрэглэсэн, иргэн С /27 настай, эрэгтэй/ 2 гар, нүүр түлэгдсэн байсан тул эмнэлгийн анхан шатны тусламж үзүүлэн гэрт нь үлдээсэн байна.