“Норт бенз” маркийн автомашинтай мөргөлдсөн ноцтой осол гарчээ

Өмнөговь аймгийн Цогт-овоо сумын “Нартын ам” гэх газарт “Хово” маркийн автомашины жолооч Б нь “Норт бенз” маркийн автомашинтай мөргөлдсөн ноцтой осол гарсан байна. Хэргийн газар Тээврийн цагдаагийн алба, түргэн тусламжийнхан очиход Хово маркийн автомашины жолооч, Б (41 настай, эрэгтэй) амь насаа алдсан байжээ. Тээврийн цагдаагийн албанаас ядарсан, нойр хүрсэн үедээ зам тээврийн хөдөлгөөнд оролцохгүй байхыг анхаарууллаа.