Ховд аймгийн Цэцэг суманд тарваган тахлын сэжигтэй тохиолдол бүртгэгдлээ

Ховд аймгийн Цэцэг суманд тарваган тахлын сэжигтэй тохиолдол бүртгэгдлээ. Тодруулбал, 37 настай эрэгтэй, тарвага агнаж идсэн өгүүлэмжтэй. Халуурах, ханиалгах, цусаар бөөлжих, суганы булчирхай цочих шинж тэмдэг илэрч, сумын эрүүл мэндийн төвд эмчлэгдэж байгаа.

 

Өвчтөний биеийн байдал хүнд, 1-р хавьтлын 22 хүнийг хяналтад авсан байна. Мэргэжлийн эмч нарын баг голомтод ажиллаж байгаа аж.  Иймээс ард иргэд та бүхнийг тарвага агнахгүй, үхсэн болон нохой зууж ирсэн тарваганд хүрэхгүй байхыг анхааруулъя гэж Эрүүл мэндийн яамнаас мэдээллээ.