Улсын онцгой комиссын гишүүдийг шалгуулахаар АТГ-т хандлаа!

Улсын онцгой комиссын гишүүдийг шалгуулахаар АТГ-т хандсан тухай Иргэний онцгой комиссын дэд дарга,  УИХ-ын гишүүн С.Одонтуяа албан ёсны цахим  хуудастаа мэдээлжээ.

Цар тахлын үед гадаадын орнуудад гацсан иргэдийн эрх ашгийг хамгаалах асуудлаар улстөрч эмэгтэйчүүд нэгдэн “Иргэний онцгой комисс”-ыг байгуулан ажиллаж байгаа юм. Тэдэнд  УОК гадаадаас татах иргэдийн нэрсийг гаргахдаа авлига авдаг гэх гомдол ирэх болсон байна. Иймд уг асуудлаар шалгалт явуулахыг хүсч долдугаар сарын 31-ний өдөр АТГ-т хандсан байна . Мөн гадаад улсад байгаа иргэд авлигын талаарх мэдээллийг ямар хаягаар хандаж, хүргүүлэх боломжтой талаар нээлттэй мэдээлэхийг шаарджээ.