Амь аврагдсан 11 настай хүүгийн ээж цагдаагийн алба хаагчдад талархал илэрхийллээ

Улсын Их Хурлын 2020 оны сонгуулийн санал хураалт орон даяар зохион байгуулагдаж байх үеэр  нийслэл хотын зарим  айл өрх, тээврийн хэрэгслүүд үерт өртөж, их хэмжээний гарз хохирол учирсан. Сонгинохайрхан дүүргийн 22 дугаар хорооны нутаг, Тахилтад буусан их үерт 11 настай хүү урсахад тус дүүргийн цагдаагийн нэгдүгээр хэлтсийн алба хаагчид амь тэмцэн, амжилттай аварсан тухай өмнө нь та бүхэнд мэдээлж байсан.

Албан үүргээ нэр төртэй гүйцэтгэж, эрдэнэт хүний амийг аварсан алба хаагчид болох Сонгинохайрхан дүүрэг дэх цагдаагийн цагдаагийн нэгдүгээр хэлтсийн нийтийн хэв журмыг хамгаалах тасгийн хороо хариуцсан цагдаа, цагдаагийн дэд ахлагч Г.Бат-Өлзий, эргүүлийн цагдаа жолооч, дэд ахлагч Б.Отгонбат нарт 11 настай хүүгийн ээж иргэн С.Нэргүй талархал илэрхийллээ.

Иргэн С.Нэргүйг цагдаагийн байгууллагын алба хаагч нарт талархсан сэтгэлээ илэрхийлэхээр хандахад Сонгинохайрхан дүүрэг дэх цагдаагийн газрын нэгдүгээр хэлтсийн дарга, цагдаагийн дэд хурандаа Э.Товуудорж, алба хаагчдын төлөөлөл хүлээн авч уулзсан юм. Иргэн С.Нэргүй хэлэхдээ:

Үер усны аюулаас хүүгийн минь амийг аварсан цагдаагийн алба хаагч нартаа маш их баярлаж байна. Үр хүүхдээс минь дутуугүй идэр залуухан цагдаагийн алба хаагч нар хүүгийн минь амийг аварсан учир бид өнөөдөр элэг бүтэн байна. Эцэг эхчүүд та бүхэн байгалийн онц ноцтой үзэгдэл, гал усны аюул, үерийн үед үр хүүхэддээ тавих анхаарлаа сайжруулж, сонор сэрэмжтэй байгаарай гэж хэллээ.

Эрдэнэт хүний амийг аварсан цагдаагийн алба хаагч нартаа болон цагдаагийн алба хаагч нартаа  чин сэтгэлээс талархал илэрхийлсэн иргэн С.Нэргүй нартаа ажлын амжилт хүсэж байна.