Ц.Ганзориг: Карго ачааг 21 хоног халдваргүйжүүлж олгоно гэсэн АЛБАН ЁСНЫ ШИЙДВЭР ГАРААГҮЙ

Нийгмийн сүлжээнд Шуурхай штабын дарга, хурандаа Б. Ууганбаярын гарын үсэгтэй албан бичиг тархаж, олныг талцууллаа. Учир нь тус албан бичигт хилээр орж ирэх карго ачааг 21 хоног, эм эмнэлгийн хэрэгслүүдийг 72 цаг тусгаарлаж, халдваргүйжүүлж байж олгох талаар тусгажээ. Гэвч уг шийдвэрийг иргэд “амьдралгүй” хэмээн эсэргүүцэж байгаа юм. Тэгвэл энэ талаар Засгийн газрын хэвлэл мэдээллийн дарга Ц.Ганзориг “Ийм шийдвэр албан ёсоор гараагүй, ачаа тээврийг хэвийн нэвтрүүлж байна” гэх тайлбарыг хийлээ.