Сэрэмжлүүлэг: “Шинэ өргөө” хотхоны дөрвөн давхраас хүүхэд унажээ

Сургууль, цэцэрлэг карентилсантай холбогдуулан хүүхдүүд гэртээ амарч байгаа. Энэ үеэр эцэг, эхчүүдийн зүгээс хүүхэддээ тавих анхаарлаа сайжруулахыг холбогдох байгууллагуудаас анхааруулсаар байна.

Өчигдөр гэхэд, Хан-Уул дүүрэгт “Шинэ өргөө” хотхоны байрны дөрвөн давхраас 5 орчим насны хүүхэд унасан ноцтой хэрэг гарчээ. Хүүхдийг тэр даруй түргэн тусламжийн машинаар эмнэлэгт хүргэж, ослын газар цагдаагийн албан хаагчид бүрэлдэхүүнээрээ ажилласан байна.

Энэ талаар албаны эх сурвалжаас тодруулахад “Шинэ өргөө хотхоны дөрвөн давхраас 5 орчим насны хүүхэд унаж бэртсэн. Тиймээс эцэг эхчүүд хүүхэддээ анхаарлаа хандуулах, мөн цонхондоо хаалт хийлгэхийг анхааруулж байна” гэсэн юм.