Төсвийн хямралаа даруй зогсоохыг Д.Трампт зөвлөжээ

НЬЮ-ЙОРК. /The Wall Street Journal/. Хэсэгчлэн зогсоогоод буй Засгийн газрын үйл ажиллагааг даруй сэргээхийг АНУ-ын Ерөнхийлөгч Дональд Трампт түүний зөвлөхүүд санал болгожээ.

Төсвийн хямралаас үүдэлтэй ноцтой нөхцөл байдал бий болоод байгааг төрийн тэргүүн ойлгохгүй байна гэж АНУ-ын Засаг захиргааны хэд хэдэн ажилтан үзэж байгаа аж. Түүнчлэн Засгийн газрын хэсэгчилсэн түр зогсолт ийм урт хугацаанд үргэлжилж байгаа нь сүйрлийн үр дагаварт хүргэж болзошгүй гэж тэд үзэж байна.

Үүний зэрэгцээ Д.Трампыг тууштай байж, шаардлагаасаа буцахгүй байх хэрэгтэй гэж Цагаан ордны хэд хэдэн ажилтан түүнийг дэмжиж байна. Ингэснээр Засаг захиргаа тавьсан зорилгодоо аажмаар хүрч чадна гэж тэд үзэж байгаа аж.