Баянхошуу, Зүүнсалааны хүүхдүүдэд үнэгүй автобус үйлчилж байна

СХД-ийн Баянхошуу, Зүүнсалаанаас-Саппоро хүртэл зайнд өнөөдрөөс /2018.12.20/ хүүхдийн автобус 06.30-20.00 цагийн хооронд үнэгүй үйлчилгээ үзүүлэхээр болжээ.

Энэхүү сайн үйлсийн аянг ”Монголын хандив тусламжийн холбоо” ТББ-аас зохион байгуулж буй бөгөөд “Шинэ жилийн баяр дөхөж байгаа энэ үед хүүхдүүдэд уут бэлэг, чихэр жимс өгөхийг зорьсонгүй. Харин олон хүүхдийг долоо хоногийн турш дулаахан тээврийн хэрэгслээр зорчих бэлэг барьж байна” хэмээжээ.

Зүүнсалаа, Баянхошуу орчмын сургуулийн хүүхдүүдийг арванхоёрдугаар сарын 20 буюу өнөөдрөөс арванхоёрдугаар сарын 29-ныг хүртэлх хичээлийн долоо хоногт тохилог автобусаар үнэ төлбөргүй тээвэрлэх юм байна.

Уг автобус нь “Зөвхөн хүүхдэд үнэгүй үйлчилнэ” гэсэн зарлал наасан байгааг анхааруулж байна. Мөн “Зүүнсалаа-Саппоро, Саппоро-Зүүнсалаа” гэсэн хаягтай аж.