ОЮУТОЛГОЙХОООН,ГАЙХУУЛААД БАЙДАГ ДЭЛХИЙН ЖИШИГ ХААНА БАЙНА ВЭ
Өнөөдрийн байдлаар Өмнөговь аймагт үйл ажиллагаа нь жигдэрч ашиг орлогоо олж яваа 14 уурхай байна. Оны төгсгөлд аймгийн засаг даргын орлогчоор ахлуулсан уурхайнуудын байгаль орчны менежментийн төлөвлөгөөний хэрэгжилтийг хүлээн авч дүгнэлт гаргах ажлын хэсэг бүх уурхайнуудад ажиллаж, уурхайнуудын байгаль орчны менежментийн төлөвлөгөөний хэрэгжилтэнд үнэлэлт дүгнэлт өгчээ.
Ажлын хэсгийн дүгнэлтээр Өмнөговь аймагт үйл ажиллагаа явуулж буй 14 уурхайны 50 хувь нь байгаль орчны менежментийн төлөвлөгөөний хэрэгжилтээрээ 80% аас доош буюу ХАНГАЛТГҮЙ гэсэн үнэлгээ авч нэг ёсондоо тэд байгаль орчны асуудлаа хайхрахгүй байгаа нь нотлогдож байна.
Дэлхийг жишиг стандартаар ажилладаг гэдэг Оюутолгой ХХК, төрийн өмч гэж томордог Эрдэнэс тавантолгой гээд компаниуд хангалттгүй үнэлгээ авсан байхад бусад нь аргагүй гэмээр санагдаж байна. Оюутолгой компани тэр дундаа нөхөн сэргээлтийн асуудлаар хангалтгүй дүн авчээ. Нөгөө гайхуулаад байдаг нөхөн сэргээлтээ дэлхий жишгээр хийх сэтгэл Оюутолгойхонд байсангүй юу.
Байгаль орчин сүйтгэгдэж, уух ус, ургамал ногоо ховордож, өмнөговьчуудын эрүүл аюулгүй орчинд амьдрах эрх нь зөрчигдсөөр… Өдөр ирэх тутам амьдрах орчин муудсаар…
Ингэхэд энэ бүхэн уул уурхайн хөрөнгө оруулагчдыг говийн хүний уужуу сэтгэл, зочломтгой зангаараа угтан авч улс орныхоо хөгжилд хувь нэмрээ оруулна гэж омогорхсон, өмнөговьчуудын буруу юу? Эсвэл хариуцлагатай уул уурхай гэж хий лоозогносон хариуцлагагүй төр… Халаасаа түнтийлгэхийг урьтал болгохоос өөрийг мэддэггүй хөрөнгө оруулагчдын буруу юу.
Adiya Adiyatseren
URL:
