Сагсчид эхний тоглолтоо Мексикийн багтай хийнэ

Дэлхийн оюутны спортын Универсиад XXVIII их наадам БНСУ-ын Гванжу хотноо ирэх долоодугаар сарын 3-14-ны өдрүүдэд болно.

Тус наадамд оролцох Монголын сагсан бөмбөгийн эрэгтэй баг тамирчдын тоглолтын хуваарь гарчээ. Манай баг B хэсэгт ОХУ, Швед, Канад, Монтенегро, Мексик улсын багуудтай багтжээ.

Эхний тоглолт  7 дугаар сарын 4-нд 14:30 цагаас Мексик-Монгол (Ёонван спортын ордонд)

Хоёр. 7 дугаар сарын 5-нд 20:30 цагаас Монгол-Монтенегро (Гванжугийн Их сургуулийн спортын ордонд)

Гурав. 7 дугаар сарын 6 нд 14:30 цагаас Монгол-ОХУ (Гванжугийн Их сургуулийн спортын ордонд)

Дөрөв. 7 дугаар сарын 8-нд 17:30 цагаас Канад-Монгол (Ёонван спортын ордонд)

Тав. 07 дугаар сарын 09 нд 12:30 цагаас Монгол-Швед (Муан спортын ордонд) тус тус тоглохоор хуваарь гарчээ.

Энэ тэмцээнд 24 баг орж буй бөгөөд дөрвөн хэсэгт хуваагдан тоглох аж. Нэг хэсгээс 4 баг шалгарч, цаашид хасагдах журмаар тоглох юм байна. Сагсан бөмбөгийн тэмцээн 7 дугаар сарын 13-ныг хүртэл үргэлжилнэ.