Огноо: 2014/8/15 5:01:48

Дэлхийн хамгийн залуу 10 тэрбумтан

“Форбес” сэтгүүл дэлхийн тэрбумтнуудын 2014 оны жагсаалтаа гаргажээ. Тус байгууллагын тоолсноор олон улсад танигдсан нийт 1645 тэрбумтан байгаагийн 31 нь 40-өөс доош насных юм байна. Алдарт “Гүүгл”-ийн Сергей Брин, Ларри Пейж нар хамгийн залуу тэрбумтнуудын жагсаалтыг тэргүүлдэг байсан үе өнгөрч шинэ залуус хүч түрэн орж ирсэн байна. Энэ жил Паренна Кей хэмээх бүсгүй “Фэйсбүүк”-ийн хамтран үүсгэн байгуулагч Дастин Московицыг өмнө бичигджээ. Ингээд энэ оны “Хамгийн залуу 10 тэрбумтан”-ыг танилцуулъя.

#10: Фад Харири

Нас: 33
Хөрөнгийн хэмжээ: 1.2 тэрбум ам.доллар
Ливаны Ерөнхий сайд Рафик Хариригийн бага хүү тэрбээр 2004 онд Парисын “Хөдөө аж ахуйн их сургууль”-ийг төгсчээ

#9: Ян Хуйян

Нас: 32
Хөрөнгийн хэмжээ: 6.9 тэрбум ам.доллар
“Каунтри Гарден” үл хөдлөх хөрөнгийн эзэн тэрбээр Хятадын хамгийн баян эмэгтэй.

#8: Эдвардо Саверин

Нас: 31
Хөрөнгийн хэмжээ: 4.1 тэрбум ам.доллар
“Фэйсбүүк”-ийн хамтран үүсгэн байгуулагч.

#7: Скотт Дункан

Нас: 31
Хөрөнгийн хэмжээ: 6.3 тэрбум ам.доллар
“Энтерпрайс Продактс Партнерс” компанийн хувьцаа өсөлт сайтай байж С.Дунканы хөрөнгө энэ онд өмнөх оныхоос 1.2 тэрбумаар арвижсан байна.

#6: Алберт Фон Турн Унд Таксис

Нас: 30
Хөрөнгийн хэмжээ: 3.8 тэрбум ам.доллар
Тэрбээр Европын хамгийн том ойн бүс буюу Герман дахь 36000 гектар талбай бүхий газрыг эзэмшдэг юм.

#5: Дрью Хьюстон

Нас: 30
Хөрөнгийн хэмжээ: 1.2 тэрбум ам.доллар
“Дропбокс”-ын хамтран үүсгэн байгуулагч, Гүйцэтгэх захирал тэрбээр Цахиурын хөндийн хамгийн шинэхэн тэрбумтан юм. Түүний Сан Франциско хотод төвтэй технологийн компанийн орлого энэ оны нэгдүгээр сарын байдлаар 10 тэрбум долларт хүрсэн байна.

#4: Бага Антон Катрейн

Нас: 29
Хөрөнгийн хэмжээ: 1.35 тэрбум ам.доллар
Тэрбээр дэлхийн хамгийн ууган хийгээд хамгийн том антенн үйлдвэрлэгч “Катрейн-УеркеЭйЖи”-гийн гурав дахь үе юм.

#3: Марк Цукерберг

Нас: 29
Хөрөнгийн хэмжээ: 28.5 тэрбум ам.доллар
“Фэйсбүүк”-ийн хувьцааны үнэ өнгөрсөн оноос энэ оны хоёрдугаар сарын дунд үе хүртэлх хугацаанд 130 хувиар өсч орлого нь бараг хоёр дахин нэмэгджээ.

#2: Дастин Московиц

Нас: 29
Хөрөнгийн хэмжээ: 6.8 тэрбум ам.доллар
Тэрбээр “Фэйсбүүк” сайтыг хамтран үүсгэн байгуулснаар их хөрөнгийн эзэн суужээ. Дастаин Московиц өнгөрсөн онд “Форбес” сэтгүүлээс гаргасан “Хамгийн залуу 10 тэрбумтан”-ы жагсаалтад тэргүүлж байсан юм.

#1: Паренна Кей ба түүний гэр бүл